تجلا راډیو — د پوهې، سولې او فرهنګ غږ، چې د ځوانانو راتلونکی روښانه کوي، د ټولنې پرمختګ ته وده ورکوي، او د نوښتونو لپاره نوې لارې پرانیزي.
زمونږ په اړه
تجلا راډیو او تلویزیون — د سولې، پوهنې او فرهنګ غږ
په افغانستان کې د ۴۰ کلنې کورنۍ جګړې له مختلفو عواملو څخه، د وضعیت ارزونه او تحلیل لا تر اوسه اوږد وخت ته اړتیا لري. د جګړې اوږدې پېښې د خلکو د فرهنګي، قومي، او دودیزو اړیکو له منځه وړلو لامل شوې، کوم چې پخوا د افغانانو ترمنځ ارزښتناک حیثیت درلود. افغانان د یوه واحد دود او ارزښتونو سره تړلي خلک دي او تل یې هڅه کړې چې خپل هېواد بیا ورغوي او پرمختګ ته یې ورسوي.
د تجلا راډیو او تلویزیون هدف
تجلا راډیو او تلویزیون د سولې، پوهنې، فرهنګ او فردي مسؤلیت په اړه خپلې خپرونې وړاندې کوي. د دې رسنۍ هدف د خلکو د پوهې زیاتول، د سولې دود پراخول، او د ملي ارزښتونو ته وده ورکول دي. راډیو او تلویزیون د خپلو ۱۰۰۰ واټه ځواک سره ۲۰ تر ۲۵ کیلومتره پورې خپرونې لري، چې په دې توګه د یو میلیون څخه زیات وګړي له دې خپرونو څخه ګټه پورته کوي.
